Yari ang isang Pulis sa surveillance operasyon

Isang miyembro ng PNP-intelligence operative ang nasawi habang naaresto ang dalawang pinaghihinalaang miyembro ng ele¬mentong kriminal matapos na mauwi sa shootout ang surveillance operations sa Brgy. 1, Poblacion, Alaminos, Laguna kamakalawa ng hapon.

Ayon sa Balitang Ahensiya ng Ahlul-bayt (ABNA24) -Kinilala ang nasawing biktimang si PO3 Eduardo Cruz, 43, nakatalaga sa Alaminos Municipal Police Station.

Arestado naman ang dalawang suspek na sina Car Lester Catungal, 32, Airman 2nd Class ng Phi¬lippine Air Force ng San Carlos City Pangasinan at Jonal Luna, 29, bodyguard ng isang dating opisyal ng Philippine Marine Corps; pawang umano’y sangkot sa illegal na aktibidades.

Batay sa ulat, bago nangyari ang insidente bandang alas-5:00 ng hapon ay nagsasagawa ng surveillance operations sa lugar ang mga PNP personnel hinggil sa sindikato.

Lulan naman ng Mitsubishi Adventure na may plakang ZCB-437 ang mga pulis na bumabagtas sa kalsada ng nasabing lugar nang paputukan ng mga tinutugaygayang suspek na sakay naman ng Mitsubishi Adventure (VDV 283) na pinuntirya ang upuan ng driver at windshield ng behikulo ng mga operatiba.

Nagkaroon ng palitan ng putok sa pagitan ng mag¬kabilang panig na ikinasawi ni PO3 Cruz na tinamaan ng tama ng bala sa dibdib at idineklarang dead-on-arrival sa San Pablo City Medical Center. Nasakote ang dalawang suspek habang nakatakas ang kasamahang si Jim Noel Opena na nakatakbo sa kagubatan.